KZ
🏃♂️🏃♀️ «Спорт есірткіге қарсы!» 🏃♀️🏃♂️
«Күншуақ» жазғы демалыс лагерінде «Спорт есірткіге қарсы!» тақырыбында спорттық-танымдық іс-шара ұйымдастырылды.
Іс-шараның мақсаты – балаларға салауатты өмір салтын насихаттау, зиянды әдеттердің алдын алу және спорттың адам өміріндегі маңызын түсіндіру болды.
Балалар түрлі спорттық ойындар мен эстафеталарға қатысып, өздерінің шапшаңдықтарын, ептіліктерін және ұйымшылдықтарын көрсетті. Сонымен қатар, нашақорлықтың адам денсаулығына тигізетін зияны туралы түсіндіру жұмыстары жүргізіліп, пайдалы әдеттер мен дұрыс өмірлік таңдаудың маңызы айтылды.
Шара барысында балалар көтеріңкі көңіл-күй сыйлап, бір-біріне қолдау көрсетіп, жеңіске деген жігерлерін танытты. Олар спорттың тек денсаулықты нығайтып қана қоймай, адамды тәртіпке, табандылыққа және мақсатқа жетуге тәрбиелейтінін түсінді.
Күн соңында балалар өз әсерлерімен бөлісіп, спортпен шұғылдану – жарқын болашақ пен мықты денсаулықтың кепілі екенін атап өтті.
✨ Деніміз сау, санамыз сергек, болашағымыз жарқын болсын!
#КүншуақЛагері #СпортЕсірткігеҚарсы#біртұтас_тәрбие #балқашқаласыбілімбөлімі #адал_азамат