KZ
Нашақорлықтың алдын алу мақсатында мектебімізде «Біз салауатты өмір салтын қолдаймыз!» атты сурет байқауы ұйымдастырылды. Байқауға қатысқан оқушылар өз шығармашылық жұмыстары арқылы денсаулықтың маңызын насихаттап, зиянды әдеттерден аулақ болуға үндеді.
Іс-шара барысында балалар топпен жұмыс жасап, плакаттар мен суреттер әзірледі. Олардың жұмыстарында спортпен шұғылдану, дұрыс тамақтану, белсенді өмір салтын ұстану және есірткіден бас тарту тақырыптары кеңінен көрініс тапты. Қатысушылар «Біз есірткіге қарсымыз!», «Спорт – денсаулық кепілі», «Салауатты өмір – жарқын болашақ» сияқты ұрандарды бейнелеп, өз ойларын шығармашылық тұрғыда жеткізді.
Байқаудың негізгі мақсаты – оқушылардың зиянды әдеттердің адам өміріне тигізетін кері әсері туралы түсінігін қалыптастыру, салауатты өмір салтын насихаттау және жас ұрпақты спорт пен пайдалы іс-әрекеттерге баулу.
Шара соңында оқушылар өз жұмыстарын таныстырып, денсаулықты сақтау мен нығайтудың маңыздылығы туралы ой бөлісті. Мұндай тәрбиелік мәні зор іс-шаралар жас ұрпақтың саналы, белсенді және дені сау болып қалыптасуына ықпал етеді.
#нашақорлықтыңалдыналу
