Ахмет Байтұрсынұлы атындағы мектеп-гимназиясымен бірге!
Бүгін қаламыздағы Ахмет Байтұрсынұлы атындағы мектеп-гимназиясында болып қайттық. Білім ордасының басшысымен және ұстаздар қауымымен Алаш қайраткерінің 150 жылдығына орай алдағы уақыттта атқарылуы тиіс игі бастамаларды ақылдасып, ой бөлістік.
Осылайша оқушылар Ұлт ұстазының өмірін, қызметін, шығармашылығын оқып, бойларына сіңіріп, тарихын танып өссе деген мақсатта үлгі-насихат жұмыстарын бастап кеттік. Ортақ мүддеде бірлесіп атқаратын жұмыстың берекесін берсін.
«Рухани жаңғыру кеңсесі» алдағы уақытта Алаш қайраткерінің, Ұлт ұстазының мерейтойы қарсаңында жасалынатын шараларды жариялап отырады. Жағымды жаңалықтар мен өңіріміздегі игі бастамаларды біздің парақшадан оқып, бақылай аласыздар.
