М. Хамзин атындағы Мәдениет сарайында балқаштық музыкант әрі ұстаз Қайрат…

М. Хамзин атындағы Мәдениет сарайында балқаштық музыкант әрі ұстаз Қайрат Науамбаевтың «Сырлы саз, әсем әуен» атты бенефис кеші өтті. Осылайша жерлесіміз өзінің 63 жас мерейтойын және зейнеткерлік демалысқа шығуын атап өтті.

🔹Үлкен залда жанды музыка әуені шырқалды. Концертке «Балқаш сазы» ардагерлер хорының вокалдық тобы, сондай-ақ Қ. Науамбаевтың «Жігер» ансамбліндегі жас тәрбиеленушілері қатысты. Кеш барысында қазақстандық және шетелдік композиторлардың классикалық және заманауи шығармалары орындалды. Мерейтой иесінің өзі гитара, мандолина және труба аспаптарында шебер өнер көрсетті.

🏷️Бүгінде талантты ұстаз жүздеген балқаштықты музыка әлемімен таныстырып, өнерге баулып келеді.

🎶Қайрат Науамбаевтың жас ұрпақтың эстетикалық тәрбиесіне қосқан үлесі жоғары бағаланып, мерекелік сахнада оған бірқатар алғыс хаттар табысталды.