Оқу-ағарту министрлігінің кеңейтілген алқа отырысында 2025 жыл білім беру саласы…

Оқу-ағарту министрлігінің кеңейтілген алқа отырысында 2025 жыл білім беру саласы үшін маңызды жетістіктер жылы болғаны атап өтілді. Қазақстандық оқушылар халықаралық олимпиадаларда 1006 медаль жеңіп алып, жаратылыстану және робототехника бағыттарында әлемдік көшбасшылық танытты. Олимпиада жеңімпаздары мен олардың тәлімгерлеріне мемлекеттік сыйақылар беріліп, ғылыми байқаулар жүлдегерлерін қолдау кеңейтілуде.

«Келешек мектептері» ұлттық жобасы аясында 217 жаңа мектеп салынып, үш ауысымды және апаттық мектептер мәселесі шешілді. Реновация және құрылыс жұмыстары әсіресе ауылдық жерлерде жүргізіліп, қала мен ауыл мектептері арасындағы білім сапасы алшақтығын азайтуға бағытталды.

Жалпы, жаңа мектептер салу мен инфрақұрылымды жаңғыртуға бағытталған мемлекеттік инвестициялар елдің адами капиталын нығайтып, білім сапасын жаңа деңгейге көтеруге мүмкіндік беріп отыр.