KZ
2025 жылдың 26 қаңтар күні “Саяқ кентінің №6 жалпы білім беретін мектебінде
«Мамандық таңдау және болашақта жұмысқа орналасу мүмкіндіктері» туралы 8”А” сыныптың оқушылармен әңгімелесу сабағы өткізілді.
Мақсаты:
Оқушыларды мамандықтарды саналы түрде таңдауға бағыттау, еңбек нарығындағы сұранысқа ие мамандықтар туралы ақпарат беру және болашақта жұмысқа орналасу жолдарымен таныстыру.
Әңгімелесу барысында оқушыларға мамандық таңдаудың маңыздылығы түсіндірілді. Қазіргі таңда мамандықты тек қызығушылыққа ғана емес, сонымен қатар қоғамдағы сұранысқа, еңбек нарығындағы мүмкіндіктерге байланысты таңдау қажеттігі айтылды.
Оқушылармен әртүрлі мамандықтар талқыланды: дәрігер, мұғалім, инженер, бағдарламашы, дизайнер, кәсіпкер, аграрлық сала мамандары және жұмысшы мамандықтар. Әр мамандықтың қоғамдағы рөлі, қажет білім мен дағдылар, болашақта жұмысқа орналасу мүмкіндіктері түсіндірілді.
Сонымен қатар, мамандыққа ерте дайындалудың маңызы айтылды:
жақсы оқу;
қосымша үйірмелерге қатысу;
қызығушылықты дамыту;
жаңа технологияларды меңгеру;
еңбекқорлық пен жауапкершіліктің рөлі.
Әңгімелесу соңында оқушылар өз ойларымен бөлісіп, болашақта кім болғысы келетінін айтты. Мұндай кездесулер оқушылардың өз қабілетін танып, дұрыс мамандық таңдауына көмектесетіні атап өтілді.
Қорытынды
Мамандық таңдау – әр оқушының болашағына әсер ететін маңызды қадам. Сондықтан өз қызығушылығы мен қабілетін ескере отырып, сұранысқа ие мамандықтарды таңдау қажет екені қорытындыланды.
#біртұтастәрбие
#балқашқаласыбілімбөлімі
